Welcome to Ministry of Industry 1

နေပြည်တော် သြဂုတ်(၁)။ ။ပုဂ္ဂလိက စက်မှုလုပ်ငန်းဥပဒေ ပြင်ဆင်ဖြည့်စွက်ရေးဆွဲရေး (၁/၂၀၁၁) လုပ်ငန်းညှိနှိုင်းအစည်းအဝေးကို နေပြည်တော်ရှိ အမှတ်(၁)စက်မှုဝန်ကြီးဌာန၊ အစည်းအဝေးခန်းမ၌ ၁-၈-၂၀၁၁ နံနက်(၉း၀၀)နာရီတွင် ကျင်းပ ပြုလုပ်ရာ အမှတ်(၁)စက်မှုဝန်ကြီးဌာန၊ ဒုတိယဝန်ကြီး ဦးသိန်းအောင် တက်ရောက်၍ အဖွင့်အမှာစကား ပြောကြားသည်။ ဒုတိယဝန်ကြီးက အမှာစကားပြောကြားရာတွင် နိုင်ငံတော်အနေဖြင့် ပုဂ္ဂလိကစက်မှုလုပ်ငန်းများ ဖွံ့ဖြိုးတိုးတက်အောင် စီမံဆောင်ရွက်လျက်ရှိပြီး ဖြစ်ပေါ်ပြောင်းလဲလာသည့် ခေတ်စနစ်နှင့်အညီ လိုက်လျောညီထွေဖြစ်စေရန်၊ ပြည်တွင်းစက်မှုလုပ်ငန်းများ ဖွံ့ဖြိုးတိုးတက်ရေးအတွက် အထောက်အကူဖြစ်စေမည့် ပြင်ဆင်ဖြည့်ဆည်းလိုအပ်ချက်များအား အကြံပြုဆွေးနွေးလိုကြောင်း၊ ပုဂ္ဂလိက စက်မှုလုပ်ငန်းရှင်များအနေဖြင့် လုပ်ပိုင်ခွင့် အခွင့်အလမ်းများ ပိုမိုရရှိပြီး လုပ်ထုံးလုပ်နည်း၊ နည်းဥပဒေ ညွှန်ကြားချက်များကို တိကျစွာ လိုက်နာဆောင်ရွက်သွားကြရန်နှင့် ပုဂ္ဂလိက စက်မှုလုပ်ငန်းများ ပိုမို မြန်ဆန်စွာ ဖွံ့ဖြိုးတိုးတက်ရေး ညှိနှိုင်း ဆွေးနွေးကြရန် မှာကြားသည်။ ယင်းနောက် အမှတ်(၁)စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာန၊ ညွှန်ကြား ရေးမှူးချုပ် ဦးစိုးလှိုင်မှ ပုဂ္ဂလိက စက်မှုလုပ်ငန်းဥပဒေအပေါ် ပြင်ဆင်၊ ဖြည့်စွက်ဥပဒေပြဌာန်းချက်များအား နှိုင်းယှဉ်တင်ပြဆွေးနွေးသည်။ ထို့နောက် တက်ရောက်လာကြသော ဌာနဆိုင်ရာ တာဝန်ရှိသူများက ပြင်ဆင်၊ ဖြည့်စွက်သည့် ပုဂ္ဂလိကစက်မှုလုပ်ငန်း ဥပဒေအပေါ် အကြံပြု ဆွေးနွေးကြပြီး ဒုတိယဝန်ကြီး ဦးသိန်းအောင်က နိဂုံးချုပ်အမှာစကား ပြောကြားကာ အစည်းအဝေးကို ရုပ်သိမ်းခဲ့ကြောင်း သိရှိရသည်။ အဆိုပါလုပ်ငန်းညှိနှိုင်း အစည်းအဝေးသို့ အမှတ်(၁)စက်မှုဝန်ကြီးဌာနရှိ ဦးစီးဌာနနှင့် စက်မှုလုပ်ငန်းများမှ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ ဌာနဆိုင်ရာ တာဝန်ရှိသူများ၊ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်၊ မြန်မာနိုင်ငံ စက်မှုကုန်ထုတ်လုပ်သူများအသင်း၊ မြန်မာနိုင်ငံ ဆန်စက်လုပ်ငန်းရှင်များအသင်း၊ မြန်မာနိုင်ငံ အထည်ချုပ် လုပ်ငန်းရှင်များအသင်းမှ တာဝန်ရှိသူများတက်ရောက်ကြသည်။