Welcome to Ministry of Industry 1

တောင်သာမြို့နယ် ရုံးတောကျေးရွာ ကျောက်တလုံးရေလှောင်တမံရိုးဖြတ် ကူးတံတားဖွင့်ပွဲ အခမ်းအနားကို ၂၀၀၈ခုနှစ် ဇူလိုင်လ ၁၃ ရက် နံနက် ဂး၃၀ နာရီတွင် အဆိုပါ တံတားအနီး ရှိ ယာယီမဏ္ဍပ်၌ ကျင်းပရာ အခမ်း အနားသို့ ပြည်ထောင်စုကြံ့ခိုင်ရေး နှင့် ဖွံ့ဖြိုးရေးအသင်း ဗဟိုအတွင်းရေးမှူး အမှတ်(၁)စက်မှု ဝန်ကြီးဌာန ဝန်ကြီး ဦးအောင်သောင်း တက်ရောက်၍ အမှာစကား ပြောကြားသည်။ ယင်းနောက် ကျေးရွာပြည်သူများကိုယ်စား ကျေးရွာပြည်သူတစ်ဦးက ကျေးဇူးတင်စကား ပြောကြားသည်။ ထို့နောက် ရုံးတောကျေးရွာ တံတားကို တောင်သာမြို့နယ် အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဋ္ဌ ဦးစိုးစိုးရွှေ၊ တောင်သာမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်း အတွင်းရေးမှူး ဦးသန်းဌေးအောင်နှင့် ပြည်သူ့ ဆောက်လုပ် ရေးလုပ်ငန်း၊ မြို့နယ် အင်ဂျင်နီယာ ဦးရဲဝင်းတို့က ဖဲကြိုးဖြတ် ဖွင့်လှစ်ပေးကြသည်။ ဆက်လက်၍ ဗဟိုအတွင်းရေးမှူး ဝန်ကြီး ဦးအောင်သောင်းနှင့် တာဝန်ရှိသူများက မော်ကွန်း ကျောက်စာကို နံ့သာရည်များ ပက်ဖျန်းပေးကြပြီး တံတားသစ်ကို ကြည့်ရှု စစ်ဆေးကြသည်။

အဆိုပါ ရုံးတောကျေးရွာ တံတားကို ကျေးရွာပြည်သူများက ငွေကျပ် သိန်း ၇၀ နှင့် ဗဟိုအတွင်းရေးမှူး ဝန်ကြီး ဦးအောင်သောင်းက ငွေကျပ်သိန်း ၁၁၀ တန်ဖိုးရှိ ပစ္စည်းများ ပံ့ပိုးဖြည့်ဆည်း ပေးကာ စုစုပေါင်းငွေကျပ်သိန်း ၁၈၀အကုန်ကျခံ၍ တည်ဆောက်ခြင်းဖြစ်ပြီး ကျေးလက် နေပြည်သူများ ကျန်းမာရေး၊ ပညာရေး၊ စီးပွားရေး လုပ်ငန်းများကို လွယ်ကူလျင်မြန်စွာ သွားလာနိုင်ရေးအတွက် ကျေးလက်ဒေသ ဖွံ့ဖြိုးရေးလုပ်ငန်း အဖြစ် တည်ဆောက်ပေးခဲ့ခြင်းဖြစ်သည်။ ဆက်လက်၍ ဗဟိုအတွင်းရေးမှူး ဝန်ကြီး ဦးအောင်သောင်းသည် နံနက် ၁၀ နာရီတွင် တောင်သာမြို့နယ် ပြည်ထောင်စု ကြံ့ခိုင်ရေးနှင့် ဖွံ့ဖြိုး ရေးအသင်းရုံး အစည်းအဝေးခန်းမ၌ မြို့နယ်၊ ရပ်ကွက်၊ ကျေးရွာများမှ အေးချမ်းသာယာရေးနှင့် ဖွံ့ဖြိုးရေးကောင်စီဝင်များနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းနှင့် လူမှုရေး အသင်းအဖွဲ့များအား တွေ့ဆုံ၍ ကျေးလက်ဖွံ့ဖြိုးရေးလုပ်ငန်းစဉ်(၅)ရပ်ကို အရှိန်အဟုန်မြှင့် ဆက်လက်ဆောင်ရွက်ကြရန်၊ နိုင်ငံ တော်၏ မူဝါဒလမ်းစဉ်(၇)ရပ် ရှေ့ဆက်လက် အကောင်အထည်ဖော် ဆောင်ရွက်မှုနှင့် ဒေသခံပြည်သူများ၏ အမျိုးသား အကျိုးစီးပွားများ ဖွံ့ဖြိုးတိုးတက်ရေး လုပ်ငန်းများကို လူမှုရေးအသင်းအဖွဲ့များ နှင့်အတူ ဝိုင်းဝန်းကြိုးပမ်း ဆောင်ရွက်ကြရန် မှာကြားသည်။ ထိုမှတဆင့် ဝန်ကြီးသည် မွန်းလွဲ ၁၂း၃၀ နာရီတွင် အမှတ်(၁) မြန်မာ့ အထည်အလိပ်လုပ်ငန်း စွပ်ကျယ်စက်ရုံ(တောင်သာ) စက်ရုံခန်းမဆောင်၌ စက်ရုံမှူးနှင့် တာဝန်ရှိသူများအား တွေ့ဆုံ၍ ဝန်ထမ်း အသီးသီးတို့သည် မိမိတို့၏ လုပ်ငန်းတာဝန်များကို ကျေပွန်စွာ ထမ်းဆောင်ကြရန် ခေတ်မီစက်ယန္တရားများကို ကျွမ်းကျင်ပိုင်နိုင် စွာ ကိုင်တွယ်မောင်းနှင်နိုင်ရေး အထူးကြိုးစားကြရန်၊ နိုင်ငံတော်အစိုးရအပေါ် သစ္စာစောင့်သိကြရန်၊ ဝန်ကြီးဌာနမှ ချမှတ်ထားသော မူဝါဒနှင့် ညွှန်ကြားချက်ကို တိကျစွာ လိုက်နာဆောင်ရွက်ကြရန်နှင့် ကုန်ထုတ်လုပ်မှု ရည်မှန်းချက် အောင်မြင်အောင် တာဝန်ရှိသူ အဆင့်ဆင့် ညှိနှိုင်းတိုင်ပင် ဆောင်ရွက်ကြရန် မှာကြားသည်။ ဆက်လက်၍ ဝန်ကြီးသည် မွန်းလွဲ ၂း၃၀ နာရီတွင် မြင်းခြံမြို့ မဏိကဉ္စနာခန်းမ၌ မြင်းခြံခရိုင်၊ မြို့နယ်အေးချမ်းသာယာရေးနှင့် ဖွံ့ဖြိုးရေးကောင်စီဥက္ကဋ္ဌနှင့် အဖွဲ့ဝင်များ၊ ဌာနဆိုင်ရာများ၊ ခရိုင်၊ မြို့နယ်၊ ရပ်ကွက်၊ ကျေးရွာများမှ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်း အတွင်းရေးမှူး၊ အလုပ်အမှုဆောင်များနှင့် လူမှုရေး အသင်းအဖွဲ့ဝင်များ၊ မြို့မိ မြို့ဖများအားတွေ့ဆုံ၍ နိုင်ငံတော်၏ ရှေ့ဆက်ဆောင်ရွက်သွားမည့် မူဝါဒလမ်းစဉ် (၇)ရပ် အောင်မြင် ရေးကို အမျိုးသားရေး တာဝန်အဖြစ် ဆက်လက်ပူးပေါင်း လုပ်ကိုင်ဆောင်ရွက်ကြရန်၊ ကျေးလက် ဖွံ့ဖြိုးရေးလုပ်ငန်းစဉ်(၅)ရပ်ကို အရှိန်အဟုန်မြှင့် ဆက်လက်ဆောင်ရွက်ကြရန်နှင့် နိုင်ငံတော်၏ ထုတ်ပြန်ထားသော မူဝါဒနှင့် လမ်းညွှန်ချက်များကို တိကျစွာ လိုက်နာ ဆောင်ရွက် ကြရန်တို့ကို မှာကြားခဲ့ပါသည်။